Дарагія выкладчыкі, супрацоўнікі і навучэнцы філіяла «Мінскі радыётэхнічны каледж»!

Наша навучальная ўстанова мае доўгую і яркую гісторыю. 2 ліпеня 1960 года згодна з пастановай Савета Міністраў БССР № 383, быў створаны Мінскі радыётэхнічны тэхнікум. Пачаўшы сваю дзейнасць падчас фарміравання і развіцця радыёэлектроннай прамысловасці ў Рэспубліцы Беларусь, радыётэхнічны тэхнікум з цягам часу быў пераўтвораны ў вышэйшы каледж.

1 верасня 1960 г. 200 навучэнцаў прыступілі да заняткаў у  Мінскім радыётэхнічным тэхнікуме, стварэнне якога было прадвызначана развіццём прамысловай вытворчасці, што выклікала  патрэбнасць рэспублікі ў кваліфікаваных тэхнічных кадрах. Першы набор навучэнцаў быў праведзены па спецыяльнасцях: «Электронныя вылічальныя машыны, прыборы і прылады», «Радыёапаратабудаванне», «Вытворчасць радыёізаляцыйных матэрыялаў і радыёдэталяў», «Праграмаванне для хуткадзейных матэматычных машын».

22 выкладчыкі ажыццяўлялі падрыхтоўку спецыялістаў на дзённай і завочнай формах навучання. Сярод іх былі ўдзельнікі Вялікай Айчыннай вайны, у тым ліку – Герой Савецкага Саюза Іван Елісеевіч Самбук.

                У 1991 годзе быў апублікаваны загад Міністэрства народнай адукацыі Рэспублікі Беларусь № 144 ад 17.06.9. «Аб пераўтварэнні ў парадку эксперымента Мінскага радыётэхнічнага тэхнікума ў навучальную ўстанову новага тыпу – каледж».

У 1995 годзе каледж быў зноў рэарганізаваны і атрымаў новы статус і назву – Мінскі дзяржаўны вышэйшы радыётэхнічны каледж.

                Навучэнцы, якія на 1 і 2 курсах паказалі добрыя веды па прадметах,  прайшлі тэсціраванне і пацвердзілі свае веды на кантрольным зрэзе, пераводзіліся на другі ўзровень навучання і паралельна з ведамі па спецыяльных прадметах набывалі педагагічную адукацыю, а пасля заканчэння МДВРК – кваліфікацыю «педагог-радыёінжынер», «педагог-эканаміст», «педагог-праграміст». Выпуск першых дваццаці студэнтаў з вышэйшай адукацыяй па спецыяльнасці «Прафесійнае навучанне» адбыўся ў 1998 годзе.

                Нельга не памятаць тых, хто заклаў асновы гісторыі каледжа. Значны ўклад у развіццё радыётэхнічнага тэхнікума, а затым Мінскага дзяржаўнага вышэйшага радыётэхнічнага каледжа зрабілі яго кіраўнікі:

Дырэктары:

Решэтаў У.І. – з 1960 па 1971,

Капышаў В.І. – з 1971 па 1974,

Макарэвіч Я.М. – з 1974 па 1980,

Малішэўскі В.Ф. – з 1981 па 1985.

Рэктары:

Цырэльчук М.А. – з 1985 па 2010,

Анкуда С.М. – з 2010 па 2015. З 2015 па 2021 – дырэктар МРК,

Шаталава В.В – з 2021 г.

Словамі падзякі і любові, мы адзначаем педагогаў, якія працавалі і працуюць у каледжы не адзін дзясятак гадоў і перадаюць свае веды навучэнцам, свой педагагічны вопыт –  маладым выкладчыкам:

Якавенка В.І., заслужаны настаўнік БССР;

Назарава Л.В, Пруднік М.Ф., ўзнагароджаных значком «Выдатнік адукацыі Рэспублікі Беларусь»;

выкладчыкаў: Башкіраву Н.Б., Васілеўскую Н.І., Удавічэнка Л.Л., Даніленка Б.П., Ермакова А.Я., Іванову С.І., Кавяровіча В.В., Каяновіча С.С., Кірэя А.М., Лабковіч Л.В., Лапкоўскую Т.В., Лашкову Н.А., Марчанкаву Л.Г., Парфіяновіч Т.А., Пятровіча А.А., Пікулік А.П., Рудзенкову В.І., Саніковіч В.І., Скуднякова Ю.А., Сняжкову І.М., Саладкову Н.Т., Тараканава А.Н., Тарасевіча В.Г., Ціханаву Л.А., Траяна Ф.Д., Хехневу В.Ф., Чыстую Т.А., Шышанкова А.У., Федасенка В.І.;

супрацоўнікаў: Андрэенкаву Т.С., Дубовіка М.Г., Малышка І.А., Пінчукову Р.Д., Супруновіч Л.Ф., Худалей М.А., Яфрэмаву Т.С.

З глыбокай цеплынёй былыя выпускнікі ўспамінаюць заняткі і тых выкладчыкаў, якія пайшлі на заслужаны адпачынак або перайшлі працаваць у іншыя навучальныя ўстановы:

Бурдзіной І.Н., Гурэвіча Л.С., Лазарэвіч Т.К. - заслужаныя настаўнікі БССР;

Атрохавай Л.Ф., Багданоўскай Л.А., Труся А.К., узнагароджаныя значком «Выдатнік адукацыі БССР»; Амяльянава В.І, узнагароджаная значком «Выдатнік адукацыі Рэспублікі Беларусь»;

выкладчыкаў і супрацоўнікаў: Аліфярэнка В.В., Альфяровіч Т.Я., Амельянавай В.І., Брэслова-Масленнікавай А.К., Баравой Т.І., Волас Т.М., Варанцовай Т.У., Гаўрылавай Г.К., Гіліцкай Л.М., Гурскай І.Ф., Джагаравай І.А., Дастанко В.А., Дутко Т.А., Карэтнікавай С.Г., Клімавай О.В., Лакеевай М.Д., Лойка М.М., Майсеня Л.І., Манкевіча І.І., Мухінай В.С., Несцерава І.С., Няхайчык Т.У., Арэшка А.А., Сідарэнка Л.В., Чубанавай Н.С., Шуцілінай Г.М.

Светлая памяць застаецца ў нашых сэрцах аб тых, каго няма больш з намі, але чыя праца і творчасць і сёння азарае сцены каледжа. Мы заўсёды будзем памятаць:

Цырэльчука М.А., заслужанага работніка адукацыі БССР, узнагароджанага значком «Выдатнік адукацыі Рэспублікі Беларусь», к.т.н., прафесара, дырэктара тэхнікума з 1985 года, з 1995 года па жнівень 2010 года рэктара МДВРК, якога, на жаль, не стала 1 ліпеня 2011 года;

Зарэмбу Э.Д., заслужанага майстара спорту СССР, футбаліста мінска «Дынама» 60-х гадоў, аднаго з самых моцных абаронцаў у гісторыі беларускага футбола;

Грыцай А.В., Дзямідаўца В.І., Драздова В.Г., Кешыш’янца І.Л., Меляшкевіча А.М., Нікольскага С.А., Рахмакову Г.М., Слагаду М.М., Хачатарана Ю.М., Шаркова У.І., Шкут Н.А.

За гады існавання, дзейнасць МРК адзначана шматлікімі індывідуальнымі і калектыўнымі ўзнагародамі, прызамі, падзякамі.

Па выніках Усесаюзнага сацыялістычнага спаборніцтва сярод спецыяльных навучальных устаноў СССР тэхнікум займаў першыя месцы ў 1987 і 1988 гадах і быў узнагароджаны Пераходным Чырвоным Сцягам Міністэрства вышэйшай і сярэдняй спецыяльнай адукацыі СССР і ЦК прафсаюза работнікаў асветы вышэйшай школы і навуковых устаноў, а ў 1990 годзе – Пераходным Чырвоным Сцягам Міністэрства народнай адукацыі БССР.

Гонарам каледжа з'яўляюцца навучэнцы і студэнты – пераможцы і прызёры гарадскіх, рэспубліканскіх і міжнародных алімпіяд, конкурсаў, выстаў, спаборніцтваў.

Мы ганарымся традыцыямі каледжа, сярод якіх:

• студэнцкія праекты пад кіраўніцтвам аддзела выхаваўчай работы: «Лідар сёння – лідар заўтра», «Маладыя вучыць маладых»;
• шэфская дапамога дзіцячым садкам і дзіцячым дамам, ветэранам Вялікай Айчыннай вайны;
• тэлебачанне і радыё МРК;
• конкурсы, вечары, віктарыны («Міс каледж», «А ну-ка, парачкі», «Брэйн-рынг»);
• дэкады аддзяленняў і тыдні цыклавых камісій;
• алімпіяды па агульнаадукацыйных прадметах;
• алімпіяды для навучэнцаў і выкладчыкаў;
• выставы тэхнічнай творчасці студэнтаў;
• выязныя семінары і трэнінгі для актыву;
• работа дабравольнай дружыны.

Паралельна з атрыманнем глыбокіх ведаў навучэнцы каледжа маюць магчымасць удасканаліць сваё спартыўнае майстэрства і палепшыць фізічную падрыхтоўку, у тым ліку прымаючы ўдзел і перамагаючы ў спаборніцтвах. Дастаткова зірнуць на кубкі, медалі, граматы, выстаўленыя на спартыўным стэндзе музея каледжа.

MРК супрацоўнічае з навучальнымі ўстановамі і прадпрыемствамі Рэспублікі Беларусь: Беларускі дзяржаўны ўніверсітэт, Беларуская дзяржаўная політэхнічная акадэмія, Беларускі дзяржаўны ўіверсітэт інфарматыкі і радыёэлектронікі, Гомельскае вышэйшае ПТВ электратэхнікі, Мінскае ПТВ № 71 машынабудавання, НВА «Інтэграл», БДВА  «ВТ і інфарматыкі», ВТА «Гарызонт».

У рамках міжнародных праектаў МРК супрацоўнічае з: ​​Вышэйшай школай Мітвайда, Універсітэтам прыкладных навук (Германія), Одэнскім тэхнічным каледжам (Данія), Вільнюскай калегіяй вышэйшай адукацыі, Каўнаскай калегіяй вышэйшай адукацыі, Keдайнянскім цэнтрам імя Йонуша Радвілы (Літва), Кіеўскім прафесійна педагагічным каледжам імя А.М. Макаранкі (Украіна), Тэхнічным універсітэтам Габрава (Балгарыя), Міжнародным інстытутам кіравання (Архангельск, Расія).

З 1999 па 2015 год на базе каледжа штогод праводзіліся міжнародныя навукова-практычныя канферэнцыі. З дакладамі на іх выступалі прадстаўнікі Швецыі, Даніі, Германіі, Расіі, Азербайджана, Літвы. Многія з нашых выкладчыкаў прымалі ўдзел у рабоце канферэнцый. Вынікам іх дзейнасці  сталі надрукаваныя зборнікі навуковых артыкулаў.

За час існавання каледжа змянялася назва навучальнай установы, змяняліся вучэбныя планы і праграмы, на змену дыпламаваным спецыялістам прыходзілі новыя абітурыенты з мэтай набыць прафесійнае майстэрства, многія выкладчыкі сышлі на заслужаны адпачынак, прыходзілі маладыя і год ад году набывалі вопыт і уменні, павышалі кваліфікацыю. Толькі плённая праца выкладчыкаў і іх уклад у прымнажэнне традыцый і славы каледжа сярод устаноў рэспублікі засталіся без зменаў.

За гады існавання каледж падрыхтаваў больш за 21 тысячу спецыялістаў, з іх з вышэйшай адукацыяй па спецыяльнасці «Прафесійнае навучанне» – больш за 900 чалавек.

Выпускнікоў нашага каледжа заўсёды адрознівае глыбокае веданне сваёй справы, упэўненае валоданне сучаснымі тэхналогіямі. Многія з іх адзначаны высокімі ўрадавымі ўзнагародамі, яны сталі ўмелымі арганізатарамі, вядомымі навукоўцамі, спецыялістамі радыёэлектронікі.

Мы ганарымся выпускнікамі нашых аддзяленняў:

Радыётэхнічнае аддзяленне:

Пырко Генадзій Андрэевіч - галоўны спецыяліст пракуратуры Рэспублікі Беларусь;

Смірноў Яўгеній Аляксандравіч - намеснік Старшыні Вышэйшага Гаспадарчага Суда Рэспублікі Беларусь;

Ушолік Міхаіл Мікалаевіч - генеральны дырэктар ААТ «Мінскі прыборабудаўнічы завод»;

Федасенка Валерый Іванавіч - прарэктар па вучэбнай рабоце МДВРК (1988-2008);

Янковіч Уладзімір Якаўлевіч - намеснік генеральнага дырэктара ААТ «Мінскі прыборабудаўнічы завод»;

Аддзяленне камп’ютарных тэхналогій:

Цырэльчук Мікалай Андрэевіч  - дырэктар Мінскага тэхналагічнага каледжа,

Белановіч Яўгеній Аркадзьевіч - памочнік кіраўніка рэспубліканскага ўнітарнага прадпрыемства «БелВТІ»;

Яськоў Аляксандр Валянцінавіч - начальнік Галоўнага фінансава-эканамічнага ўпраўлення Міністэрства прамысловасці Рэспублікі Беларусь;

Мурзінкоў Валянцін Мікалаевіч - дацэнт БДУІР, кандыдат тэхнічных навук, заслужаны майстар спорту па барацьбе, чэмпіён СССР;

Сотнікаў Пётр Канстанцінавіч - генеральны дырэктар Рэспубліканскага унітарнага прадпрыемства «БелВТІ»;

Харлап Анатолій Дзмітрыевіч - Міністр прамысловасці Рэспублікі Беларусь,  цяпер пасол Рэспублікі Беларусь у Кітаі;

Хасін Валерый Майсеевіч - дырэктар Мінскага прафесійна-тэхнічнага каледжа электронікі;

Шмярко Уладзімір Пятровіч – д.т.н., загадчык кафедры БДЭУ;

Курневіч І.А. - намеснік начальніка аддзела знешніх сувязяў СП «БелАмэбля»;

Трухан O.E. - намеснік начальніка аддзела рэкламы Беларускага тэлебачання;

Філановіч А.М. - галоўны бухгалтар ільнозавода ў Дзяржынску;

Чайкоўская Н.М. - вядучы спецыяліст цэнтра занятасці ў Маладзечна.

Гамолка В.П. - інжынер канструктарскага бюро завода «Чырвоны Кастрычнік» (цяпер фірма «Лес»), узнагароджаны медалём «За доблесную працу».

З 1 верасня 2015 года адкрываецца абноўленая старонка ў жыцці каледжа, які становіцца філіялам навучальнай установы «Беларускі дзяржаўны універсітэт інфарматыкі і радыёэлектронікі» (БДУІР) «Мінскі радыётэхнічны каледж» (МРК). Навучанне ў каледжы ажыццяўляецца толькі на ўзроўні сярэдняй спецыяльнай адукацыі, што не зніжае ўзровень адказнасці за якасць падрыхтоўкі спецыялістаў. З'яўляючыся абасобленым структурным падраздзяленнем БДУІР, МРK разумее і свядома падтрымлівае мэты, задачы і палітыку ўніверсітэта ў галіне якасці. Фінансавая незалежнасць каледжа дазваляе яго камандзе сістэматычна і паслядоўна развіваць адукацыйныя праграмы, забяспечваць навучальны працэс на высокім узроўні.

Сучасная гісторыя каледжа адзначана адкрыццём і фарміраваннем новых спецыяльнасцяў: «Мікра- і нанаэлектронныя тэхналогіі і сістэмы» і «Праграмуемыя мабільныя сістэмы». Падрыхтоўка такіх спецыялістаў цесна звязана з рэальным сектарам эканомікі. Праз развіццё матэрыяльнай і тэхнічнай базы сумеснай вучэбнай лабараторыі на вытворчасці значна пашырылася і паглыбілася сувязь з ААТ «Інтэграл». Удасканальваюцца адносіны з прадпрыемствамі-рэзідэнтамі ПВТ. Працягваецца адукацыйная дзейнасць вучэбных лабараторый, адкрытых ў каледжы сумесна з прадпрыемствамі ІТ-сферы:

1. 406-ая;
2. Электронная бібліятэка;
3. 115-ая.

Для якаснай арганізацыі працэсу навучання па спецыяльнасці «Праграміруемыя мабільныя сістэмы» ў 2017 годзе быў адкрыты «Вучэбны цэнтр праектавання і распрацоўкі мабільных сістэм», абсталяваны сучаснай камп'ютарнай тэхнікай.

З 2014 года каледж актыўна ўдзельнічае ў міжнародным конкурсе прафесійнага майстэрства World Skills у кампетэнцыі «Электроніка». На базе каледжа па гэтай кампетэнцыі рыхтуецца нацыянальная зборная Беларусі.  Штогод студэнты каледжа становяцца пераможцамі Рэспубліканскага конкурсу ў намінацыі «Электроніка».

Навучэнец каледжа Семірэнка Арцём Валер’евіч заняў 2-е месца на Адкрытым Еўразійскім чэмпіянаце па стандартах World Skills Hi-Tech 2018 у кампетэнцыі «Электроніка».

З 2016 года паспяхова працуе школа «Юны інжынер», у якой на працягу  4-5 гадоў, пачынаючы з 5-га класа, навучаюцца школьнікі. Навучанне ўключае павышаны ўзровень праграмавання, вывучэнне і практычнае выкарыстанне мікракантролераў, робататэхніку і мехатроніку. Адметная асаблівасць школы – выкананне рэальных праектаў, складанасць якіх павышаецца ад курса да курса.

Навучэнка школы Рэпкіна Д. стала пераможцам выставы тэхнічнай творчасці навучэнцаў г. Мінска «Творчасць юных – Рэспубліцы Беларусь!» 2019.

З 2017 года каледж супрацоўнічае з навукова-даследчай часткай БДУІР (НДЧ). У структуры НДЧ у рамках навуковага кірунку «Інфармацыйныя і навучальныя тэхналогіі ў адукацыі» створана даследчая лабараторыя «Інавацыйныя тэхналогіі ў сістэме бесперапыннай прафесійнай адукацыі» (НДЛ 9.3). Лабараторыя працуе на базе каледжа, кіраўніком з’яўляецца Анкуда С.М.

У 2017 годзе група навучэнцаў каледжа выйграла конкурс і была прынята ў бізнес-інкубатар БДУІР з тэмай: Freet. У 2018 годзе ў бізнес-інкубатар дабавіўся праект «Mабільны навігатар для людзей з інваліднасцю INVO». На рэспубліканскім конкурсе «100 ідэй для Беларусі - 2019» у намінацыі «Інфармацыйна-камунікацыйныя і авіякасмічныя тэхналогіі» праект атрымаў дыплом 1 ступені.

 

Анкуда С.М., старшыня ЦК ПМС Аўхімовіч І.В. і выкладчык ЦК ПЗІТ Вінічук В.М. з пераможцамі.

Працягваецца міжнароднае супрацоўніцтва каледжа з установамі адукацыі Германіі, Літвы, Латвіі, Расіі. З 2016 года каледж актыўна ўдзельнічае ў рэалізацыі міжнароднага праекта «Інавацыйная адукацыя ў сферы інфармацыйных і камунікацыйных тэхналогій для сацыяльна-эканамічнага развіцця» («Праект IESED») у рамках Міжнароднага руху Erazmus +.

Каледж традыцыйна застаецца арганізатарам конкурсаў прафесійнага майстэрства ў галіне электра- і радыёмантажу, якія праводзяцца паміж навучэнцамі профільных каледжаў рэспублікі на базе вучэбна-вытворчых майстэрняў. У рамках гэтага напрамку каледж актыўна супрацоўнічае з рэспубліканскімі, мінскім гарадскім і раённым (г.Мінск) творчымі аб'яднаннямі дзяцей і моладзі.

 

Пераможцы гарадскога конкурсу прафесійнага майстэрства па радыёэлектроніцы «Юны радыёэлектронік» разам з кіраўніком     Брусенцовым А.П.

                У 2019 годзе ў каледжы адкрыўся рэсурсны цэнтр па электроніцы і прыборабудаўніцтве.

У 2018-2019 навучальным годзе адбыліся першыя наборы навучэнцаў у ІТ-школу МРК. ІТ-школа працуе ў напрамках электроніка і інфармацыйныя тэхналогіі.

 

Школьнікі ДУА «Станькаўская сярэдняя школа імя М. Казея» на занятках  ІТ-школы.

 

Традыцыйна моцнымі застаюцца ў каледжы грамадскія арганізацыі «Белая Русь» і прафсаюзная арганізацыя супрацоўнікаў, якія забяспечваюць сацыяльнае партнёрства ў МРК і падтрымліваюць інтарэсы работнікаў.

 

Старшыня прафкама МРK                                         Старшыня ПА РГА «Белая Русь» МРК

Саніковіч Вольга Іванаўна                                         Кудін Вадзім Генадзьевіч 

 

Гарантам якасці прафесійнай адукацыі і сацыяльнага станаўлення навучэнцаў каледжа з'яўляецца выхаваўчая работа, якая аб'ядноўвае намаганні выхавацелей,  куратараў, псіхолага-педагагічнай службы, культарганізатара, вучнёўскага самакіравання, грамадскіх арганізацый. Разам з масавымі формамі арганізацыі работы шырока ўкараняецца індывідуальная работа з усімі групамі навучэнцаў, што, несумненна, прыводзіць да поспехаў у асобасным фарміраванні будучых спецыялістаў. У значнай ступені гэтаму спрыяе і актыўнае развіццё з 2016 года дадатковай адукацыі па розных творчых напрамках, у тым ліку па фізічным выхаванні і спорце.

У 2018 – 2021г.г.  актыўна працягвае развівацца мастацкая творчасць: музычная студыя, студыя гуказапісу, МРК ТВ.